سؤيله تانری بو بوش قالان یوللاردان
گئجه واختي کيملر کئچدی کيم قالدی
یاری ياردان هانکی اللر ايیيردی
ائل ایچینه آيريليغي کيم سالدی
ائل لر کوچوب يوللار اولدو وارونه
بو يئرلری سوره ن اکه ن هاردا بس
خزان اولموش مئشه لرين ايچینده ه
ائشیدیلمز نه بير صدا نه بير سس
شاختا دوشدو، دومان باسدی داغلاری
عائله لر ماتم لره بوروندو...
گؤزل قيزلار، کيچیک کورپه اوشاقلار
قاپي- قاپي دیله نره ک سورونده...
سؤيله تانری، کوچوب گئده ائل لرین
بو دونیادا بیرده اوزو گوله جک
ویرانه ده سوساجاقدی بو" بایقوش"
وئره جکمی باهار دونیایا بزه ک؟؟؟؟

اوستاد " حبیب ساهر" آذربایجانین گؤرکملی شاعیری